MBATHI 145 - 169

 NĨTWĨNŨKĨTE KWITŨ ĨTUNĨ (I'm on my way home) 1. Nĩtwĩnũkĩte kwitũ ĩtunĩ,  Nĩtwĩnũkĩte kwa Yesũ; Mathĩna makathelela vo,  Nĩtwĩnũkĩte kwa Yesũ.  2. Nĩtwĩnũkĩte kwitũ ĩtunĩ,  Nĩtwĩnũkĩte kwa Yesũ; Ve mũsyĩ ũla mwanakavye ki,  Nĩtwĩnũkĩte kwa Yesũ.  3. Yesũ akoka kũtwĩsĩa kũũ,  Yesũ akooka mĩtũkĩ,  Nĩtũkatanaa na kũmũkatha,  Na tũtikathĩna ĩngĩ.  4. Tũtikew’a nzaa kana ĩtomo Twavika mũsyĩ mũtheu; Na vati ũndũ ũkathũkya ngoo,  Kana kũtũlulutĩkya.  (Amen)

 KWĨ NA NTHĨ NZEO (There better land) 1. Kwĩna nthĩ nzeo Ĩ nonete,  Ya ũsengy’o ĩkyoneka,  Nĩ ya kyeni na ũtheu mwingĩ,  Ũtheu mwingĩ na wendo.  Nthĩ ya wendo, mũyo na ũtheu,  4/4 Wendo notheu ndĩĩ ũtukũ,  Nĩkilĩtye nĩtũkona,  Mũthelelo kyeni kyooka.  2. Kũya ĩtunĩ kwĩ ũtanu Vai kĩvindu no ũtheu,  Amethi kw’o makatũa kw’o Na matikathĩna ĩngĩ.  3. Kũya ĩũlũ tita kũũ nthĩ,  Mũuo na ũtheu ndwĩ ũalyũko,  Kyeni kya syũa kĩi vata kw’o,  Nũndũ kũikethwa kĩvindu.  4. Kũi kĩseve kana thĩna,  Nĩkũkilĩtye nĩ kũseo,  Mũsyĩ ũsu nĩwa ũsengy’o Mũsyĩ kwa Ngai ĩtunĩ.  (Amen)

 MŨSYĨ ĨŨLŨ (They sing a new song) 1.  Mũsyĩ ĩũlũ ĩtunĩ atheu meina,  Makĩkya ngovia mbee wa Mũsumbĩ,  Nzika na wia nivetetwe mbee wa wamo,  Atheu meina wathi weũ wa ũtanu.  Tũmwinĩe Yesũ,  Ũla wambiwe kaivalĩ,  Tũmwinĩe Yesũ,  Ũla wĩ thayũ ũtathela.   2. Wathi wa wendo na ũsengy’o mekwina,  Mũsyĩnĩ ũsu wa thaavu mũtheu vyũ,  Nthĩnĩ wa Mwovosya ũla wambiwe,  Twĩ asumbĩ na athembi tene na tene.  3. O asu mathambĩtwe makalika,  Kwa mũyo makaina wathi ũla mweũ,  Tũthyambye Mwovosya tume naĩnĩ,  Twine wathi wa ũtanu mũnene.  (Amen)

 NĨ NTHĨ NZEO (The summer land) 1. Nĩ nthĩ nzeo kũya ĩũlũ alaĩka meina kw'o Alelũya kwa Mwovosya kwa Mũsumbĩ Osana; Twĩ kyalonĩ kya kũthi kw'o tũtongoew'e nĩ Yesũ.  Tũthi nthĩ ĩsũ ya ũtanu tũme nthĩ ya woo na naĩ. Ũtanu twavika kw'o,  Tũkanewa ngovia; Ũtanu ndũkathela,  Nĩ nthĩ nzeo kũya ĩũlũ.  2. Nĩ nthĩ nzeo kũya ĩũlũ na amwe nĩmavikie,  Na ĩvinda yĩ vakuvĩ yĩla naitũ twĩthi kw'o; Tũkathi kwa Yesũ vala tũkaina na mbeve,  Tũkĩkatha syĩtwa yake nthĩ ĩsu tene na tene.  3. Nĩ nthĩ nzeo na ve vandũ vaseũvĩtwe kwa onthe Ala maĩkĩĩa Mwovosya na kwĩw'a wasya wake Tũkethĩwa na ũtanu yĩla Mwĩaĩi wĩyĩaa,  Tũthi nthĩ ĩsu ya ũtanu tũme nthĩ ya woo na naĩ.  (Amen)

 LILIKANA MŨSYĨ ŨSU (The home over there) 1. Lilikana mũsyĩ ũsu,  Wĩ na kyeni kĩtisu mũno, (Mũsyĩ ũsu),  Vala atheu mekalaa na mũuo.  Mevw’ĩkĩte ngũa nzaũ vyũ.  Mũsyĩ ũsu, mũsyĩ ũsu.  Lilikana mũsyĩ ũsu,  Mũsyĩ ũsu, Mũsyĩ ũsu, (Mũsyĩ ũsu),  Lilikana Mũsyĩ ũsu.  2. Nĩ ũthũmũo kwa onthe,  Anyanya amavikie vo, (Mũsyĩ ũsu),  Nĩmekwina mbathi syĩ na mũyo,  Mũsyĩ ũsu ũsumbĩnĩ wa Ngai.  Mũsyĩ ũsu, Mũsyĩ ũsu,  Lilikana ananya me vo, (Mũsyĩ ũsu),  Mũsyĩ ũsu, Mũsyĩ ũsu, Mũsyĩ ũsu.  Lilikana Mũsyĩ ũsu.  3. Mwovosya wakwa nĩvo ũĩ,  Na atheu me na ũthũmũo, (Mũsyĩ ũsu),  Vate nzika nĩngũkĩla nĩthi,  Nthĩ ĩsu nzaũ yĩ na ũathimo.  Mũsyĩ ũsu, Mũsyĩ ũsu,  Mwovosya wakwa nĩvo ũĩ, (Mũsyĩ ũsu),  Mũsyĩ ũsu, Mũsyĩ ũsu, Mũsyĩ ũsu,  Lilikana Mũsyĩ ũsu.  4. Ngeethwa Mũsyĩ ũsu mĩtũkĩ,  Naminũkĩlya kyalo kyakwa,  Endwa a mavikie vo tene,  Nĩmeteele nakwa nĩvike.  Mũsyĩ ũs...

MŨSYĨ MŨTHEU ĨŨLŨ (Loyalty to Christ) 1. Mũsyĩ mũtheu ĩũlũ tũkonana ĩngĩ,  Mũthũkũmei, thũkũmai, thũkũmai Mwĩaĩi,  Wĩtano nĩ wake akĩtwĩta ithyonthe.  Mũthũkũmei, thũkũmai, thũkũmai Mwĩaĩi. Nĩtũkatana twavika ĩtunĩ,  Twamwona Mwĩaĩi Yesũ,  Tũkekala nake tũkina mbathi nzaũ,  Mũthũkũmei, thũkũmai, mũthũkũmei Mwĩaĩi.  2. Mwĩaĩi Yesũ easya ũkai kwake inywonthe,  Mũthũkũmei, thũkũmai, thũkũmai Mwĩaĩi.  Ũkĩlyai ngoo syenyũ mũmwose Kaivalĩ,  Mũthũkũmei, thũkũmai, mũthũkũmei Mwĩaĩi.  3. Mbaunĩ syake Mwĩaĩi tũkona matonya,  Mũthũkũmei, thũkũmai, mũthũkũmei Mwĩaĩi,  Ũkai kwake inywonthe mũtangĩĩwe ũmũnthĩ,  Mũthũkũmei, thũkũmai, mũthũkũmei Mwĩaĩi.  4. Tũtulyei ndu sitũ maũũnĩ ma Mwĩaĩi,  Mũthũkũmei, thũkũmai, mũthũkũmei Mwĩaĩi,  Wĩtano nĩ wake akĩmeta atheu,  Mũthũkũmei, thũkũmai, mũthũkũmei Mwĩaĩi.  (Amen)

 ŨKAI ANDŨ MA NGAI (Come ye to the love of God) 1. Ũkai andũ ma Ngai, tũkathei Yesũ oyu,  Twinei wathi wĩ ũtanu,  Tũtaĩei Ngai na ngoo sitũ,  O ũu tũmwinĩe Ngai,  O ũu tũmwinĩe Ngai.  Tũendei ĩtunĩ vandũ vaseo, ĩĩ mũno; Ũkai tũendei ĩtunĩ ve mũsyĩ mũseo wa Ngai.  2. Andũ athe ma nthĩ,  Matyĩsĩ mbathi syake no andũ amwe mamanyaa Kũmwinĩa Mũsumbĩ ũũ,  Waitũ mbathi nzeo,  Kũmwinĩa nesa.  3. Ĩĩ, twinei ithyonthe na andũ, mwĩw’e oyu; Twĩ kyalonĩ kya ĩtunĩ,  Tũkina mbathi sya Yesũ Na ngoo sitũ syonthe Mĩthenya yonthe vyũ.  (Amen)

 TWĨKALEI NA YESŨ (Forever with the Lord) 1. Twĩkalei na Yesũ nĩngwasya ũu,  Kĩkw'ũnĩ akatwovosya n’akatũthayũũkya,  Twĩkalei kũkũ nthĩ tondũ Yesũ waĩ kũũ; Kwatuka ngaamba ĩeema mbee, ndũanĩ nĩthengee.  Nĩthengee, nĩthengee,  Kwa Yesũ nĩthengee.  2. Nyũmba ya asa ntheu, yakĩtwe ĩtunĩ Nĩyonekaa nĩ metho a monaa maũndũ mbee,  Na nĩngũtana ngoo ta nĩvikĩte vo,  Nthĩ ĩsu ya wendo na tei, Yelũsaleme nzaũ.  3. Matu makavĩta, syũmbe syonthe nĩkaa,  O ta ĩvinda ya noa now’o kũkethwa,  Mwĩaĩi nĩwũkĩte kwĩsĩa a make,  Tũkambata kũu ĩtunĩ tũkekalaa nake.  4. Tũkekalaa nake tene na tene vyũ,  Tũkina mbathi ĩtunĩ, na kũlwa nĩ thĩna, : Nĩ sya mũsyũkĩle, ĩĩ, sya kũthayũũka; Na nĩngũneena, ngyasy’atĩĩ, twĩkalei na Yesũ.  (Amen)

 ĨĨ NĨTWINEI WATHI WA KŨTŨTAN’YA (In a little while we are going home) 1. Ĩĩ nĩtwinei wathi wa kũtũtan’ya ngoo,  Twĩ kyalonĩ kya kũthi kwa Ngai,  Kĩvindu kĩkathela kyeni kyoneke,  Mũsyĩ kwitũ kũu tũkenũka.   Nĩtũkenũka, nĩtũkenũka,  Mũsyĩ kwitũ ĩtunĩ,  Tũkathũmũe mathĩna matũthele,  No vanini na tũkenũka.  2. Twĩnenganei tũtethye wĩa wa Ngai,  Kavinda katanamba ũvika,  Na mumo wa Ngai ũkatwongela vinya,  No vanini na tũkenũka.  3. Inywĩ mũtanamba kũmwosa Yesũ yu,  Kavinda kenyu no ũmũnthĩ,  Nũndũ tũyĩsĩ mũthenya wa kwĩnũka,  Ame mbaitũ likai kyalonĩ.  4. Kũu kwa Ngai kwĩ mũuo ũtathimĩka,  ũthũmũo witũ mũlũmu,  Na asu mekũmĩĩsya mathĩna twĩkũũ,  Makathũmũa tene na tene.  (Amen)

 OYU TWĨ KYALONĨ (We are on a journey to heaven) 1. Oyu twĩ kyalonĩ kya kũthi ĩtunĩ,  Wĩkalo mũseo nĩ wa ũtanu na wendo,  Ĩnywĩ mũkanganga na mũkĩyananga,  Easya mũitonya kũthi kũu ĩtunĩ.  Nĩmũkathi ĩtunĩ? Nĩmũkathi ĩtunĩ? Easya mũitonya kũthi kũu ĩtunĩ.   2. Kũndũ kũu ĩtunĩ kwĩ ala atheu,  Matena mowau kana thĩna nongi,  Inywĩ mũtitonya kũthĩ kũu ĩtunĩ,  Easya mũitonya kũthĩ kũu ĩtunĩ.  3. Ona mbee wa kwĩtwa andũ aka atheu,  Methwa na wĩkalo ũla ũseũvĩtw'e,  Ũla wa ũsumbĩnĩ wĩna ũtisu vyũ,  Easya mũitonya kũthi kũu ĩtunĩ.  4. Ĩtunĩ nĩ kwitũ ithyĩ etĩkĩli,  Ũkai mũmanye ũseo wa ĩtunĩ,  Kavinda kanini tũkamwona Yesũ,  Kũla kwĩ atheu nĩkwo tũkathũmũa.  (Amen)

 VE NZĨA YA KŨTHI ĨTUNĨ (The royal Road) 1. Ve nzĩa ya kũthi ĩtunĩ,  Vala ve Mwĩaĩi waitũ,  Nĩngũmantha mũsyĩ mũtheu,  Ngĩthi na nzĩa ya Mwĩaĩi.  Nzĩa ya ũathimo,  Nzĩa ya ũathimo,  Tĩendanye mũsyĩ mũtheu Tũthi nzĩa ya Mwĩaĩi.  2. Nĩyo Mwĩaĩi waendele ,  Kĩĩmanĩ kya kaivalĩ,  Nĩkana avingũe mũomo,  Wa kũthi ũsumbĩnĩ.  3. Ngĩthi na nzĩa ya Mwĩaĩi,  Ngavika mũsyĩ mũtheu,  Kwa mũĩkĩĩo nĩngwĩw’a,  Wasya wa alaĩka ĩtunĩ.  4. Ngatana navika ĩtunĩ,  Namwona Mwĩaĩi wakwa,  Ngamwona mũsyĩ mũtheu,  Nathi na nzĩa ya Mwĩaĩi.  (Amen)

 KĨVINDU KĨKATHELA (when the mists have rolled) 1. Kĩvindu kĩkathela na kĩtikasyoka ĩngĩ,  Na kĩla nthĩ ĩkamanya ũtheu wa Mwĩaĩi,  Na nĩw’o kũtĩkethĩwa na kĩvathũkanyw’o,  Kĩvindu kĩkathela na kĩtikasyoka ĩngĩ.  Ũtheu ona kyeni kĩkenaa kĩvindunĩ,  Mũnthĩ kũkatisatisa mũthenya wa Mwĩaĩi,  Kĩvindu kĩkathela na kĩtikasyoka ĩngĩ.  2. Nthĩ yĩ kĩvindunĩ na yĩna kyeva kingĩ,  Kyeni twakyeteela kya tene na tene ĩtunĩ,  Mathĩna twamomĩĩsya kwa kũkũĩkĩĩa,  Ũseo wa kũla kũtheu kĩvindu kĩikasyoka.  3. Yuyu twĩ mathĩnanĩ na ngovia sitũ syĩvo,  Nĩtwiĩwe ĩtunĩ ila ikũtisatisa,  Yesũ nĩ tũmwĩkwatĩtye kũkũ twĩna mathĩna,  Akatũtetheesya viũ kĩvindu kĩikasyoka 4. Yĩla ũsu ũtheu ũkethĩwa ũkyumĩla,  Kĩla mwĩtĩkĩli nũkethĩwa na ũtheu ũsu,  Kwa wendo wa Mwĩaĩi akatwĩkalasya,  Ithye tũkatana vyũ kĩvĩndu kĩikasyoka (Amen)

 VE MŨSYĨ WONEKAA (The city of gold) 1. Ve mũsyĩ wonekaa ĩũlũ wa mwanda wa kĩkw'ũ Na moathimo maitonya ũweteka; Kũla syũa ĩtathũaa na matũ maivovaa: Mũsyĩ ũsu mwanake wa thaavu.  Kũla syũa yĩtathũaa na matũ maivovaa: Meko ma etĩkĩli Mwĩaĩi nũmonaa,  Mũsyĩ ũsu mwanake wa thaavu.  2. Vau mũsumbĩ Mwovosya Mwĩaĩi ũtwendete Onthe nĩmeteele na ũtanu,  Tene wonthe atheu makatisaa ta ndata; Mũsyĩ ũsu mwanake wa thaavu.  3. Tũtethyei wĩa na ngelekan’yo ya Yesũ Tũmĩĩsyei mathĩna kũkũ nthĩ.  Twamina tũkanengwa ngovia sya thayũ,  Mũsyĩ ũsu mwanake wa thaavu.  4. Kũu tũkamũkatha Mwĩaĩi na alaĩka,  Tũkina mbathi sya ndaĩa,  Na tũkasumbĩka nake tene wonthe,  Mũsyĩ ũsu mwanake wa thaavu.  (Amen)

 MŨINGO ŨNGĨ WA ŨSĨ (Over the river) 1. Mũingo ũngĩ wa ũsĩ Endwa a mavikie,  Nĩmasyaĩsye nĩvike,  Kũu tũikataanĩsya.  Mũingo wa ũsĩ wa Eteni,  Mawĩkalonĩ maseo,  Alaĩka makanzũvĩaa,  Yesũ akanthokya vo.  2. Mũingo ũngĩ wa ũsĩ,  Nĩngwĩw'a mawasya moo; Nĩmasyaĩtwe na ũsyao mweũ,  Matiĩ na kyeva nongi.  3. Mũingo ũngĩ wa ũsĩ,  Vaiĩ kĩvindu nongi,  Nĩmaendanasya na Yesũ,  Mekĩĩte ngũa nzaũ.  4. Mũingo ũngĩ wa ũsĩ,  Namo nĩmasyaĩĩsye; Nĩ kana nakwa nĩvike,  Ngatana navika kwo.  (Amen)

 NĨTŨKATHI KŨU ĨTUNĨ (We shall go to heaven) 1. Nĩtũkathi kũu ĩtunĩ Yelũsaleme,  Twĩkale na Mwĩaĩi Yesũ Yelũsaleme,  Tũkamwona Yesũ Klĩsto Yelũsaleme,  Tũkekala vamwe nake Yelũsaleme.  Nĩtũkatana mũno,  Kũmyona Yelũsaleme nzaũ,  Nĩtũkatana mũno,  Kũmyona Yelũsaleme.  2. Ambiwe mũkelany’onĩ Yelũsaleme,  Na kũtonywa na matumo Yelũsaleme,  Nĩwaleilwe nĩ ayuti Yelũsaleme,  Na kũmwamba ngelanyonĩ Yelũsaleme.  3. Nĩwambatie ĩtunĩ Yelũsaleme,  Ailye kwokonĩ kwa ĩthe Yelũsaleme,  Yesũ akooka ĩngĩ Yelũsaleme,  Na kũmesĩa ala make Yelũsaleme.  4. Makambata yayanĩ Yelũsaleme,  Na kũsumbĩka myaka mũonza Yelũsaleme,  Ĩtina makooka kũũ nthĩ Yelũsaleme,  Kũsumbĩka myaka ngili Yelũsaleme.  (Amen)

 KWĨ WĨTANO KŨYA ĨTUNĨ (Beautiful beckoning hands) 1. Kwĩ wĩtano kũya ĩũlũ ĩtunĩ,  Atheu a mavikie tene; Nĩ masyaĩĩsye nakwa nĩvike; Mũsyĩ mũtheu wa Mũtangĩĩi.  Kwĩ wĩtano kũu ĩtunĩ,  Wĩna wasya mũseo kuma ĩtunĩ Kwĩ wĩtano kũu ĩtunĩ; Mũsyĩ mũtheu wa Mũtangĩĩi .   2. Kwĩ wĩtano kũya ĩũlũ ĩtunĩ,  Anyanyawa mavikie ku tene,  Nĩmasyaĩĩsye nakwa nĩvike; Ngatana navika mũsyĩ kwa Ngai.  3. Yũmbanĩsye kũka kwa Mwĩaĩi Ĩvinda yĩ vakuvĩ kũthela,  Nĩtwĩsĩ akooka ta kĩng’ei,  Tũkomanĩe nake yayayanĩ.  4. Nĩ mũsyĩ mũtheu wa Mwĩaĩi,  Yesũ mwene nowe kyeni kyaw’o,  Tũkatana na ũtanu mũnene; Twavika mũsyĩ ũsu mũtheu.  (Amen)

 NĨTŨENDETE MŨSYĨ MŨTHEU (We are marching into Zion) 1. Nĩtũendete mũsyĩ mũtheu mũsyĩ wa saionĩ,  Nĩ mũseo na mũtheu vai ũngĩ ũilyĩ taw’o; Mĩtũkĩ tũkavika vo mũsyĩ mũtheu wa ngai,  Tũkakomana ĩtunĩ kĩvindu kĩikoneka 2. maandĩko onthe ma tene nĩmakũsĩĩa mũno,  Ũtangĩĩo wa Mwĩaĩi myakanĩ yonthe kũũ nthĩ.  Tũkawĩw’a wathi wa tei o naitũ tũkawina,  Tũkakomana ĩtunĩ kĩvindu kĩikoneka 3. kwĩ wasya kũu ĩtunĩ wa ala mavikie,  Tũkamona mũsyĩ mũtheu wakĩtwe kũu ĩtunĩ,  Mwĩaĩi akasyoka kũũ tũkanengwa ĩtuvi, ; Tũkakomana ĩtunĩ kĩvindu kĩikoneka.  (Amen)

 INAI WENDO WA MŨTANGĨĨI (When we all get to heaven) 1. Inai wendo wa Mũtangĩĩi,  Ĩnee na mumo wake,  E kũya mũsyĩ ĩtunĩ,  Kũtwakĩa wĩkalo.  Twavika kũu ĩtunĩ,  Mũthenya wa ũtanu mũnene,  Tũkamwona Yesũ,  Mũthenya wa kũkĩlya vyũ.  2. Twĩthwe andũ alũngalu,  Kũtethya na wĩkwatyo,  Tũketwa ũtheunĩ wake,  Tũkatuvwa twavika.  3. twavika kũya ĩtunĩ,  Mĩthĩnzĩo tũkanengwa,  Mĩvĩanĩ ya thaavu,  Ĩla twĩlika nayo.  (Amen)

 YĨLA TŨKAVIKA KWAKE YESŨ (Numberless as the sands of the sea) 1. Yĩla tũkavika kwake Yesũ,  Twakomana na anyanyae maitũ,  Aingĩ ta kĩthangathĩ kya ũkanga,  Vaikethĩwa woo ona vanini.  Aingĩ ta kĩthangathĩ kya ũkanga,  Aingĩ ta kĩthangathĩ kya ũkanga Mwĩsengw’a nĩ kyaũ tũkakomanĩa vo; Twĩ aingĩ ta kĩthangathĩ kya ũkanga.  2. Twakomanĩa kũu kwake Yesũ,  Twĩ aseo na eanĩu,  Aingĩ ta kĩthangathĩ kya ũkanga Vaikethĩwa woo ona vanini.  3. Tũkamũtaĩa Mwĩaĩi Yesũ,  Ala twatheiw'e na nthakame,  Aingĩ ta kĩthangathĩ kya ũkanga Vaikethĩwa woo o na vanini.  (Amen)

 NĨNONETE NĨ NTHĨ NZEO (Beulah land) 1. Nĩnonete nĩ nthĩ nzeo,  Ĩla Mwĩaĩi waendie,  Yĩna kyeni kĩtisu vyũ,  Na ngatana navika vo.  Nĩ nthĩ nzeo, nĩ nthĩ nzeo,  Nĩmyonete na ngoo yakwa,  Ngĩsisya mawĩkalonĩ,  Maseũvye nũndũ wakwa ,  Yĩna kyeni kĩtisu vyũ,  Nĩngatana navika vo.  2. Yĩla ngavika nthĩ ĩsu,  Ngaendanasya na Mwĩaĩi,  Na kũtana twĩna Mwĩaĩi,  Nyie ngatana navika vo 3. Kwĩ na malaa maseo mũno,  Mĩũke yamo nĩ mĩseo ,  Ya kũtanĩthasya a mevo,  Nĩngatana navika vo.  4. Kwĩ na mbathi nzeo mũno,  O na alaĩka ala mevo,  Nĩmekwina na ũtanu,  Nĩngatana navika vo.  (Amen)

 NĨTŨNEENAA ŨVOO (What must it be to be there) 1. Nĩtũneenaa ũvoo,  Wa nthĩ ĩla nzaũ yũkĩte,  Nayo nĩtwĩwe nĩ ũlũngalu,  Nũndũ mwene wayo nĩ Ngai.  Ngeethĩwa vo, ngeethĩwa vo Nũndũ nĩnĩmĩsĩ nzĩa,  Ngeethwa vo nĩ naku,  Wamwĩtĩkĩla Mũtangĩĩi.  2. Nzĩa syayo nĩ sya thaavu,  Na nĩsyakakaa ta syũa,  Kwĩ mumo mwingĩ ndawetekya,  Nĩtũkaseng’a twavika.  3. Nĩ nthĩ ya mũuo na wendo,  Na nĩ mbanakavye mũno,  Na mbathi nyingĩ kwo nikwinwa,  Nakwa nĩngwenda nĩthwe vo.  4. Kuikethĩwa naĩ ona yĩva,  Ateo ala atheu; Makavĩtĩla mathĩnanĩ,  Nĩ kana makathũmũe.  5. No vandũ vanini tũvike,  Mawĩkalonĩ maitũ,  Nĩtũkamwona mwene waw’o,  Ũla wamaseũvĩsye.  (Amen)

 KŨYA ĨTUNĨ KŨSEO (Looking this way) 1. Kũya ĩtunĩ nĩ kũseo,  Nĩ kũtheu na nĩ kũseo; Ala mavikie ku tene,  Nĩmasyaĩĩsye nyie nĩvike,  Sisya ĩtunĩ nĩ kũseo,  Ala mekw’o nĩ atanu vyũ,  Nĩ kũseo na nĩ kũtheu,  Endwa a mevo nĩ atanu.   2. Kwĩ ũsũvĩo , kwĩ mũuo,  Ala mavikie vu tene,  Nĩmasyaaĩsye nyie nĩvike,  Nĩmeteele mena ũtanu.  3. Mwĩĩtu-aia ona mwana Asa,  Twĩyũmbanyei tũthi ĩtunĩ; Alaĩka namo kũu ĩtunĩ,  Nĩmeteele mena ũtanu,  4. Ve ũmwe ũla kũu ĩtunĩ,  Ũsyaĩĩsye e na tei mwingĩ: Nĩ Mwĩaĩi wakwa mwendwa wakwa ,  Akanzũvĩa nyie navika.  5. Mwĩaĩi Yesũ kyeni kyaw’o,  E na tei na ala maĩte,  Ĩw’a wasya wa Mwĩaĩi Yesũ; Syoka yu mũsyĩ mwene naĩ.  (Amen)

 NGAI NĨWASYŨMBIE (Come thou almighty king) 1. Ngai nĩwasyũmbie,  Syĩndũ syĩthwe kũũ nthĩ,  Na matunĩ,  Ĩndĩ nĩtwendete Kũkũvĩtũkya mbee,  Wĩthwe wĩ mwende we kwĩ syonthe 2. Mũtangĩĩi Yesũ,  Ũla wakw'ĩĩe andũ,  Tũtethye yu,  Tumbũle naĩ sitũ,  Ona twieke vyũ; Ngoo syĩthwe na mũuo kwondũ waku.  3. Veva wa Ngai mũtheu,  kyeni kya ngoo sitũ,  twakany'e yu,  tũvyũvye ngoo mũno,  wĩanĩ ũũ waku.  twĩ ngũsĩ sya Yesũ kũũ kwa andũ (Amen)

TŨMŨKATHEI MWĨAĨI (Holy bible book divine) 1. Tũmũkathei Mwĩaĩi,  Nũndũ nĩwe Mwovosya,  Tene twĩ naĩnĩ We nĩwatũthaisye.  2. Na yu nĩtũmwĩsĩ we,  Nĩwe nthembo ĩla ntheu,  Nĩwakw'ĩĩe mũtĩnĩ: Ĩvukunĩ ve ũvoo.  3. Na nũtongoeasya,  Thayũ witũ vava nthĩ ,  Akĩtũnenga matho,  Nzĩa syonthe syĩ matao.  4. Na ĩndĩno nĩngwosa Matho onthe wandetee; Nakwa nyie nĩnĩsĩ vyũ Onthe makeanĩw’a.  5. Tũmũkathei asa ngai,  Mwana, na veva mũtheu; Ngai, e weka vai ũngĩ,  Tũthengee kwake oyu.  (Amen)

 INYWONTHE , INĨAI (Now thank we all our God) 1. Inywonthe, inĩai mũnene waitũ mbathi,  Mũkathei yu na ngoo, na nzaa, kanyw'a wenyũ; Nĩwatũtethisye kuma twasyawa kũũ,  Na nũtũsesea oyu matukũ aa.  2. Ngai waitũ nĩ mũthwii, na twĩ’ũvoo mũseo,  N’atũtanasya ngoo, nĩ kenda syĩw’e mũyo; Atũnyamaũkye na akĩtwovosya,  Ũtanu wake kũũ na kũya woneke.  3. Mũkathei, mwinĩei, nĩwe ĩthe na mwana,  Na veva ũtwĩe ĩtunĩ kũya ĩũlũ; Mũkathei oyu tũĩ, na akĩtaĩwa Mũvaka nthĩ ĩkaa, n’ĩkyũka ĩngĩ nzaũ.  (Amen)

 ASA WAITŨ MWENE WENDO (Holy father in thy keeping) 1. Asa waitũ, mwene wendo,  Ĩw'a mboya sitũ,  Masũvĩwe andũ onthe ma Yesũ.  2. Yesũ, nĩwatwovoisye,  Tũtongoeasya; Kusya mũno ngalĩ yaku ndũũ sitũ.  3. Makĩthĩna nĩ matatwa Mai kwĩtethya ene,  Kwa ĩnee vinya waku , matethye.  4. Methĩwe na wĩtĩkĩlo,  Onthe, maathimĩtwe,  Makĩmanya myũnthĩ yonthe Mũtangĩĩi 5. Ala me n'a ũwau mavosye,  Mekalae n’ũseo; Na ala masyokete mon'ye tei waku.  6. Asa Yesũ veva, n’ũmwe,  Ngai waitũ wĩ ĩũlũ: Tũsũvĩe, tũathime ithyonthe.  (Amen)

 ASA WA ĨTUNĨ (Father of heaven above) 1. Asa wa ĩtunĩ ĩũlũ wendonĩ,  Ngai waitũ we wĩ kyeni kya w’o,  Wendo mwĩanĩu oyũ syĩtĩkĩle,  Mboya sitũ.  2. We wĩ Imanueli nĩwoosie mwĩĩ,  Wĩ mũtangĩĩ na ndwaaũmbwa we,  We waĩ o vo tene naku wĩ mũtheu,  Mwene vinya.  3. Veva watheeie kũete ũathĩmo,  Wĩ mũtheu na yĩla twĩ nthĩ ĩno,  Yĩ matatwa mũno nĩtũkwĩkwatasya,  We Yeova.  4. Twĩkũtaĩa mũno alaĩka me ĩtunĩ,  Maikũkatha o ta ũu ithyĩ andũ,  Vaa nthĩ Ngai nĩwaĩlwe nĩ kũtaĩwa,  Ũngainĩ mwĩ atheu.  (Amen)